Tezüngjang ayoker nisung 5 pua lir

Mumbai, August 13 (Agencies) : Honibarnü Mumbai yimti nung aliba obendangdak kati ozüng alema tezüngjang yoka melentsüba ken o nung L.H. Hirandanani Hospital nung CEO dena parnok doctor pongu aitsüogo.
Tang aija aliba parnok ponguji hospital CEO Sujit Chatterjee, Medical Director Anurag Naik, Prakash Shetty, Mukesh Shah aser Mukesh Shetye nunger lir aser asemnü atema Police ket nung ayuba Honibarnü tembangba sülen obendangdak nokdak.
Obendanger Sudhir Sapkal-i, police bushisüngdang mapa temogo anungji parnok sota yur bushisüngdangtsü tenüngdaktsü mali, ta ashi.
Powai Police-i Mongulbarnü (August 9, 2016) pua aliba item nisung pongu ya August 26, 2016 nü tashi tepuokdak yua liang, ta Magistrate-i ozüng agütsüogo.