Tezüngjang sen agi yoktepba case nung nisung 3 apu:Delhi

New Delhi, Jun 07 (Agencies) : Mongulbarnü tezüngjanga tenlar, Kanpur, Uttar Pradesh nungi tetsür ana den Siliguri, West Bengal nungi tetsür ka dena parnok nisung asem Delhi Police-i ozüng alema tezüngjang sen agi yoktepba case kübok pua lir.
Police-isa June 3, 2016 nüa linük yimtiba nung aliba mozü ki tulu, Apollo Hospital nung inyaker kar kasa maparen dak sentakba nung pua lir.
Police-i parnok pongu apu ajisüaka pezübo chiokogo, ta osang ajanga ashi.
Iba dak sentakba nung Delhi police-i Sarita Vihar police station nung case ka benokogo. Iba mapa tamajung inyaker telok nung tetsür ana aser Apollo mozü kidang clerk inyaker ana dena lir.
Mozü kidang inyakertemi iba mapa tamajung inyaker lenisang Asim nem manemertem tezüngjang nüngdakba osang angutsür. Iba sülen Asim-i manemer nem tezüngjang tenla agütsünertem bushir aser tetenlartem nem sen aiyi agütsür. Ibaji ayokba nungi tajangzük alubaji parnok telok lema agir.
Police-i Asim apuba sülen mozükidang inyaker doctor tem danga asüngdangya süogo.