TGOUN nung Disaster management training ka agi

Civil Defence and Home Guard team, Dimapur den Global Open University, Nagaland (TGOUN) nung kaketshirtem aser tesayurtem tangokba noksa nung angur.

Dimapur, Rongchii 18 (TYO): Civil Defence & Home Guard, Dimapur nungi team kati Rongchii 13, 2018 nü The Global Open University, Nagaland, Dimapur nung disaster management dak sendakba awareness aser training programme, practical mock drill ama agiogo, ta The Global Open University, Nagaland, Public Relations Officer-i tanü sangdong ka ajanga metetdaktsü.
Mock drill ya Department of Hotel Management & Fashion Technology-i parnok academic curriculum dak sendakba shilem ka ama ayongzüka liasü.
Iba University nung kaketshirtem aser staff tem nem first aid aser rongdak lendongtsüdong mapang nisung kümzükba tasa balala indang basic training agutsü.
Lectures, practical classes den menoknok anokba mapang teinyaktsü aser meinyaktsü balala metetdaktsü, fire drills aser tanga lendong tsüdong balala mapang teinyaktsütem indang tesayubatem agutsü.
Iba dak alia nisung bushiba aser kümzükba tasa balala parnok dang sayua liasü.
Kaketshirtem aser tesayurtem nem Cardio Pulmonary Resuscitation (CPR), Foreign Body Airway Obstruction (FBAO), Emergency Method of Rescue, Bandaging & Bleeding control den kaülemi practical demonstration ajanga tesayuba balala agüja liasü.