Thackeray, Rajnath nati RSS tongti ajuru

Nagpur, December 04 (Agencies): Deobarnü Nagpur nung Shiv Sena Tir, Uddhav Thackeray-i RSS tongti, Mohan Bhagwat ajurua liasü.
Tanep Thackeray Nagpur yimti tonga aruba sülen RSS headquarters-i oa pai Bhagwat ajurua ghonda ka shi senden menogo.
Lenir ana tsüngda kechi onüksa jembi’ar mejangjar, ajisüaka RSS osang ka ajanga angashiba agi, Thackeray-i Bhagwat ji akhi telemren ka ajuruba dang lir.
Shiv Sena ya Centre aser Maharashtra na nung BJP teloktep den dena lir.
Iba sülen BJP lenir aser Union home minister, Rajnath Singh-ia Bhagwat ajuru.
Singh aser Thackeray na densema yimteren lenir aika Union minister Nitin Gadkari’er jala kiyimba benjung nung adentsü atema Nagpur-i arua lir.
Hombar nungi tenzüka Nagpur nung Maharashtra Assembly senden tenzüktsü. Iba senden nung Opposition party temi Centre-i sen tamshidak anentsüba ajanga sensakertemi timtem ajangshiba onük benoka jembitsüa akok.
Shiv Sena ya Centre nung BJP-i aniba NDA teloktep nung dena liaka parnoki Centre-i sen tamshidak anentsütsü telemtetba agiba ya anemer.