Thailand-i Myanmar nunger angopur 5 bushidar

Bangkok, August 16 (Agencies) : Phuket province len Myanmar nunger angopur rong ka tzü nung meküpokba sülen tajemba agi parnok angopur pongu Thailand navy temi bushidar, ta Mongulbarnü police-i ashi.
Hombarnü nisung 10 mena aliba rong ka meküpokba sülen nisung pezübo kümzüktet saka rong tanishisangbo süogo, ta police-i ashiba Xinhua news agency osang ajanga metetdaktsü.
Rong meküpok dang samaba nisungtemji Navy patrol meyong rong, helicopter aser marine police temi bushidar.
Hombarnü tsüngsang majungba ajanga nisung bushiba mapa anena ata aser Mongulbarnü nungi tenzüka bushidar.