Thailand nung tekolok meshitak nisung kati tanur 5 lepset

Bangkok, September 28 (Agencies) : Thailand nung tekolok meshitak nisung kati tanur pungu lepset aser mashisa tetsür ka dak kotari agi atsüng, ta police-i metetdaktsü.

Iba tatalokba ya Chiang Mai province kübok Chai Prakarn district nung Deobar nikongtsütsü atalok.

“Tekolok meshidak nisung kati tebur tanur 5 tepset” ta Police Lieutenant Colonel Sombut Kalasuk-i osangbener dang ashi.

“Tanurtem dak zübo keta alibaji parnok tekong aser tekolak nung liasü. Parnokji ita pungu nung küm 8 tsüngda nungi liasü” ta paisa ashi.

Tasürtem rongnung tanur kabo mashisa tetsürlar kinünger liasü. La mozü kidangi anir oa anepalu aser tasü nungi kümzükogo.

Teklok meshidaksang jagi nisungtem tepsetba kuli yimjak nung metetdaktsü saka Sombat-i ashiba agi iba nisungji taoba mapang pa mozü ki ka nung tekolok timtem atema anepaluogo.

Chiang Mai nung aliba Suanprung Hospital nung doctor kati ashi agi, tawa tuang iba nisungji mozü kidang anepalur anizük.

“Hopta ana shi anepaluba sülen pa tajungba kümer mozü kidang nungi yok” ta hospital director, Paritat Silpakit-i ashi.