Thailand:Tzümetsüng agi nisung 21 süogo

Bangkok, January 09 (Agencies) : Thailand nung tzünglu kanga sashia alua tzümetsüngba ajanga tajemba agi nisung 21 süogo aser nisung 960,000 shi talidak makai kümogo, ta Hombarnü ketdangsertemi metetdaktsü.
Thailand anüolentip tsütsü January 01, 2017 nü nungi tzünglu kangsa sashia aluba agi gari lenmang 200 dak tema aser apu 59 shi den ki 330,000 dak tema raksatsüogo, ta Disaster Prevention & Mitigation Department nung Director General Chatchai Promlert-i ashiba Xinhua news agency osang ajanga metetdaktsü.
Tzümetsüng agi kongshir aliba province temji Gulf of Thailand aser Andaman Sea tzükümtem den Thailand nung raliwalirtemi kanga sapuba tesemtem Phuket aser Krabi nata densema lir.
Tzü atsütokba gol tululu amshia tzü atsütokdar aser koleniang moi aliba yimtaklirtem rong o helicopter tem amshia tzüngmetsünga aliba tesem nungi anitetdar.
Meteorological Department-i, Mongubarnü tashi Gulf of Thailand aser Andaman Sea tem nung tzüsem metre ana nungi asem tashi arutsü, ta takzütetogo.