Thakur Anoop Singh-i World Bodybuilding Gold agizükogo

Bangkok, December 01 (Agencies): India nunger bodybuilder, Thakur Anoop Singh-i Thailand kübok Bangkok nung ayongba World Bodybuilding Championship nung gold medal agizüka India nem konang tajung bener arutsüogo.
Singh-i ‘Fitness Physique’ shilem nung alima linük 43 nungi bodybuilder 70 den temaba jenjang ngua gold medal-ji agizük.
Taoba mapang television sentongtem nung tongti shilem agir, Singh-i gold medal agizükba den külemi, Thailand nunger bodybuilder 2 den temaba jenjang ngua ‘Mr World’ naroküma agizükba osang jangjaogo.
Taoba mapang tayimtsü anishir, Singh-i tawa agiba Mr. Asia tetoktepba sentong nunga 3 buba jenjang ngua bronze medal agizüka liasü.
Külem sensopur, Manohar Aich sülen anidaka, Singh ya India nunger bodybuilder rong nung World Bodybuilding Championship gold agizüker tanabuba akümer lir.