Thane nung ki chirep, nisung 9 asü

Thane, July 29 (Agencies): Bodhbar aonung Thane nung Thakurli railway station anasa aliba ki ka chirepba lendong nung nisung teku süogo aser nisung ter yiruogo.

‘Matruchaya’ ta ajaba kiji küm 35 tejaklen yangluba lir aser iba kiji yasüng 10:20 ako meta chirep.

Iba lendong atalokba sülen National Disaster Response Force (NDRF), fire brigade ketdangsertem aser district ketdangsertemi teyaritep maparen inyaka liasü.

Ajisüaka tzünglu maneni aruba ajanga teyaritep maparen junga meinyakteti liasü, ta District Disaster Management Control Room in-charge Jaideep Visave-i osangbenertem dang ashi.

Lendong atalokba mapang nungji asemben amentepa yangluba kidangji kibong 20 shi liasü, aser tang-a nisung karbo ki chirepba jana nungji lir südi, ta Regional Disaster Management Cell (RDMC) Santosh Kadam-i ashi.