Thane, August 04 (Agencies): Mongolbar anepdang züngia Thane Railway Station anasa küm 50 tejaklen yangluba ki ka chirepba lendong nung kibong ka nungi züngsem pezü densema nisung 12 süogo.
Thane Municipal Corporation, Regional Disaster Management Cell in-charge Santosh Kadam-i ashiba agi, Thane yimti railway station anasa aliba pezüben amentepa yangluba ki ‘Krishna Niwas’ ji tanep 2:30 ako nung chirep.
Iba ki chirepba sülen Fire brigade aser National Disaster Response Force züngsem 50 iba tesem jagi oa jana agi nembanger alir nisung 12 shi kümzüka hospital-i anir ao.
Additional Civic Commissioner Sunil Chavan-i ashiba agi, iba kiji lendong aketba category nung densema liasü.
Tan hopta tsüngda nungsa Kalyan, Thakurli kübok Chole yimtsüng nunga küm 40 tain ki ka chirepba lendong nung nisung teku süogo.
Thane nung ki tejen ka chirep, nisung 12 asü added by nungsang on
View all posts by nungsang →
You must be logged in to post a comment Login