Thane, February 28 (Agencies): Deobar anepdang züngia arishi küm 35 tebur kati par kinünger 14 tepsetba sülen soseta süogo.
Maharashtra, Thane kübok Kasarwadavali yim nungi nisung ka tenüng agi Hasan Anwar Warekar-i mozü chidaktsüba sülen tanur tenet, pa kinüngtsü dena tetsür trok aser tebur ka ta tekong ranga tepsetba sülen pa-a soseta asü, asürtem ajakji Warekar’er kinüngertem lir, ta tanü police ketdangser kati metetdaktsü.
Nisungba teka nungji kotari ka amer liasü aser pa lisü agi alenseta sür angu. Iba kibong nungi Subia Bharmar bo masü aser tang la Titan Hospital nung yaridar.
Pa soseta asüba sülen Subia-i kiyongertem dang iba osangji sangdonga liasü.
Tamalen osangbenertem den jembidang Hasan’er kinünger kati, tai tonglokja alisang jagi par kibongji mim chisemdakja tepsettsü meranga liasü, ajisüaka tebu-i tai ajakji pa agi ta metetdakja liasü.
“Par kinünger 14 tepsetba sülen nisungbaji pa sasa alenseta süogo. Tepsetba kuliji ano mejangja,” ta Thane joint commissioner of police, Ashutosh Dumre-i ashi.
You must be logged in to post a comment Login