Thangal Bazaar bomb ken o atema PLA züngsem 5 apu

Imphal, November 18 (Agencies): Manipur nung Thangal Bazaar nung bomb ka pokdaktsüba atema West District police-i People’s Liberation Army züngsem 5 puogo.
Parnokji Paonam Manikanta Singh, Asheibam Budha Singh, Chingkham Basanta (Khambaton Singh ), Yumkhaibam (N) Sumati Devi aser Aheibam Dhaneshwar Singh (Thane) nungertem ta jangjaogo.
November 5 anepdang 9:20 ako meta Thangal Bazaar nung improvised explosive device (IED) ka apokdang police pezü aser civilian ka yiru.
“Iba IED ya PLA-i pokdaktsü. Myanmar nung aliba tesep ka nungi bomb ji pokdaktsü. Parnoki inyakba mapa ya kiralongrar teloktemi inyakba ama lir. District police-i Honibar aonung Khwairamband market mita ao” ta Superintendent of Police, K Meghachandra-i osangbener dang ashi.
District police teloki yimti nung bomb aika apoktsü aliba noktangtetogo. Telungpurtemi tasa atongba ajanga Ngari Galli, Thangal Bazar nung bomb apoktsüba liasü aser item tesemtem ya CCTV camera agi mayimjemer.
Basanta-i pa ya RPF/PLA züngsem ka ta nangzükogo. Pai 2010 küm RPF/PLA nung aden aser Taka, Myanmar nung basic military training agi.
Police-i IEDs ana, batteries den timers aser detonators 8, mobile phone 3 aser sim cards aser LML NV silver colour scooter ka ngutetogo. Iba dak sendakba nung maneni bushisüngdang südar.