Thanksgiving atema Angelina o Brad Pitt na ajurutsü

November 23, 2016: Actress Angelina Jolie aser Brad Pitt na balaka Thanksgiving mapang ajuruteptsü, kechiyong tena chir- Maddox, 15, Pax, 12, Zahara, 11, Shiloh, 10 aser jakrep Knox aser Vivienne (8) nungeri tsürabur ana dang kibong ka ama Thanksgiving külemi amongtsü mepishiogo, ta osang angazüker.
“Joko hopta ishika Shiloh-i Brad aser Angelina na dang kati ka den jungtepa alitsü mepishia arur. Iba sülen lai tenaprong dang email ajanga kibong ka ama Thanksgiving külemi amongtsü mepishiogo,” ta osang ka ajanga ashi.
Kasa osang ajanga ashiba agi, Jolie-i Pitt dang phone ajanga Thanksgiving külemi amongtsü jaokogo.