Thapa & Siwach na Finland boxing tourney SF tongogo

Metsüremi/March 9, 2019 (Agencies): Helsinki, Finland nung 38buba GeeBee Boxing Tournament nung Asian championship asemben tashi koker alisang Shiva Thapa (60kg) aser taoba youth world champion Sachin Siwach (52kg) na densema India nunger boxer 6 semifinal-i iogo.
Mezüngbuba round nung bye anguba sülen Hokolbarnü aonung Thapa-i quarterfinal asaya nung Poland nunger asayar Dominik Palak 5-0 agi kokogo. Semifinal nung pa Russia nunger Mikhail Varlamov den asayatsü.
Tanga asaya ka nung Siwach-i Russia nunger Tamir Galanov 4-1 agi koka semifinal-i iogo. Arishi küm 20 tain asaya ya SF nung Kyrgyzstan nunger asayar Azat Usenaliev den asayatsü. Semifinal tongteter rongnung Mohammed Hussamuddin (56kg), Kavinder Singh Bisht (56kg), Dinesh Dagar (69kg), aser Naveen Kumar (+91kg) nunger densema lir.
Mezüngbuba round nung bye anguba sülen Asian silver-medallist Sumit Sangwan (91kg) aser rookie Govind Sahani (49kg) nata semifinal tongteta liasü. Hussamuddin-i Russia nunger Ovik Ogannisian 5-0 agi koka Kazakhstan nunger Zhanbolat Kydyrbayev den asayatsü asoshi maongka ngutetogo.
Bantamweight nung Bisht-i Kyrgyzstan nunger Almanbet Alibekov tsükdaktsü aser weight category tasenba nung mezüngbuba medal angutsü jangjaogo. Pa taruba asaya France nunger Jordan Rodriquez den asayatsü.
Mezüngbuba round nung taoba Olympic bronze-medallist Evaldas Petrauskas akokba sülen Dagar-i maneni kanga junga asayaa Aydin Behruz tsükdaktsü. Pai iba asaya 3-2 agi akok aser Russia nunger Sergei Sobylinski den semifinal asayatsü.
+91kg category nung Naveen-ia Antti Lehmusvirpi kokogo aser Australia nunger Justis Huni den SF asayatsü.
Ajisüaka Prayag Chauhan (75kg) aser Sanjay (81kg) na pei tata asaya mekoki asayamung nung tuguogo.