‘The Celebrity Apprentice’ nung Trump maneni kibur asütsü

December 09, 2016 (Agencies): Donald Trump, US Tir kümaka maneni ‘The Celebrity Apprentice’ TV show Executive Producer asütsü, ta osang sangoktsü.
‘The Celebrity Apperentice’ TV Show ya küm ana tashi anena atar taruba küm January 2 nungi tenzüktsü aser taoba mapang California Angh Arnold Schwarzenegger-i ketdang asütsü.
“Iba show nung shilem tuluka Trump indang lir” ta Trump spokeswoman Hope Hicks-i ashi.
Trump US Republican party nungi election nung shilem agitsü sangdongba sülen NBC ajanga pa den tesendaktep sala, kechiyong pai Mexico nungi arua alirtemji tetsür tashiyim agi raksatsür aser nisung tepestertem, ta jembi.
Tangbo iba TV Show ya Burnett kibur lir aser Trump-t 2015 February ita toktsüba sülen shilem kecha magir, saka iba sentong nung Trump indang senotsü aika lir.
Trump-i December 15 nung osangbener den jembitsü renema lir aser iba mapang pa shishilembaba mapa nungi atsüngzüka aotsüba sentong indang jembitsü.