Los Angeles, July 15 (Agencies) : Australia nunger drama comedy “The Dressmaker” indang trailer mezüngbuba nung Kate Winslet-i dress designer ka ama adoker.
Iba film ya dress designer ka Australia nung lar kidangi aoba indang otsü lir. Tetsürlaji tanur asüdang nisung tepsetba ken o ka nung la tai tongloktsüba sülen lai ki toktsür jena aoer.
Tang sayaba trailer nungji Myrtle Dunnage (Winslet)-i lar kidangi aoba sayur.
La kidangi aobaji tetsü aser jila nung alirtemi magizüker aser parnok kari “La meyipa aruogo. Nisung tepseter meyipa aruogo” ta ashir.
Ajisüaka, Myrtle ji nisung tajung ka adoker aser lai purapitetba süoshitem ajanga temeket nung temelenshi bener arutsür.
Iba film ya Rosalie Ham-i züluba kaket nung ajemdaker yanglu aser October 22 nü United States nung sayatsü sentong lir. Film nungsa Judy Davis, Isla Fisher aser Elizabeth Debicki nungertemi shilem agir.
‘The Dressmaker’ nung Kate Winslet-i fashion designer ama shilem agir added by asungba on
View all posts by asungba →
You must be logged in to post a comment Login