The Greensight Project atema Imlibenla Wati-i Goodwill Ambassador inyaktsü

Dimapur, November 13 (TYO) : Miss Asia Pacific Super Talent India 2016, Imlibenla Wati-i The Greensight Project atema Goodwill Ambassador inyaktsü mulunga agizükogo, ta MALT President, Aridong Aier aser The Greensight Project convenor, Limalenden Longkumer nati sangdong ka nung metetdaktsü.
The Greensight Project ya Mopungchuket yimtsüng tobur jungdaktsütsü nükjidong nung July 2016 nung tenzükba lir. 2021 tashi, küm pungu tsüngda The Greensight Project kübok mapa balala inyaktsü aser iba asoshi Imlibenla Wati-i Goodwill Ambassador ama shilem agitsü, ta sangdong nungsa shia lir.
Taküm December ita Imlibenla Wati-i India tenüng nung Miss Asia Pacific Super Talent nung tokteptsü aser iba asoshi onoki la moatsür, ta MALT sangdong nungsa metetdaktsü.