‘The Hating Game’ nung Lucy aser Robbie nati shilem agitsü

Monupii/May 17, 2019 (Agencies): Taruba rom-com film ‘The Hating Game’ nung shilem agidaktsütsü asoshi Lucy Hale aser Robbie Amell na anisemogo.
Sally Thorne indang novel ‘The Hating Game’ nung ajemdaker iba film yanglutsü.
Iba film nung Hale-i Lucy Hutton aser Amell-i Josh Templeton shilem agiba angutsü.
‘The Hating Game’ kaket ya Thorne idnang mezüng novel ka liasü koba 2016 küm adok. Thorne indang tanabuba novel ’99 Percent Mine’ ya taküm küm tetenzüklen ka adoka liasü.
‘Peace, Love & Misunderstanding’ writer Christina Mengert-i Thorne teyari agia lai film atema script zülutsüogo.
Iba film dak alaka, Spike Lee indang ‘Son of the South’ film nung Lucy Hale-i Lucas Till shilem agiba angutsü. Film ya Bob Zellner taküm nung ajemdaker yangluba otsü ka asütsü.