‘The Hunger Games: Mockingjay, Part 2’ trailer sayaogo

July 10, 2015: “The Hunger Games: Mockingjay, Part 2” indang mezüng trailer film nung shilem agirtem- Jennifer Lawrence, Liam Hemsworth aser Josh Hutcherson nungeri Comic Con nung sayaogo.

Iba sentong nung shilem agirtemi film tatembanglen o lemtepba densema film indang aika lemsatepa liasü, ta Ace Showbiz osang ajanga ashi.

Par telokisa mezüngbuba trailer ajungaji sayua liasü, iba trailer ji mapang tatsü ka asoshibo online ajanga mereprangtettsü, ta parnoki ashi.

Trailer nung President Snow-i Hunger Games tasen ka asütsü nükjidong nung yimti ajakji amokbang. Trailer nungjisa Katniss (Lawrence) aser lar teloki yimsüsür tamajung anema rarar.

“Onok takümji kodanga onok meyong masü, saka Snow meyong. Nai paji tepsetra, Katniss nai item ajak ya tatembang kati arudaktsütsü. Nisung asürbatemji amajokbo masütsü,” ta Peeta (Hutcherson)-i ashi. Iba anema apusoba tenzükba mapang ki chireper, rarateper aser lasang o injang kahloktsütepa adoker.