The Joy of Giving 2017 kenten sentong agiogo

Dimapur, January 8 (TYO) : Dimapur kübok Aiko Greens, Purana Bazar nung Honibar nikongtsütsü The Joy Of Giving teloki Hope Centre for Excellence den yaritepa kenten sentong ka ayongzüka agiogo.
Iba kenten sentong nung Nagaland nung mezüng ballerina tsüngsangertem – Milovi Zhimomi, Sophia Mozhui, Vivien Shaw, aser Dora Arkha nungeri Swan Lake & King Arthur ballad nung tsüngsanga sayu.
Kenten sentong nung tetushi süa jaokertemji Atsaba Rothrong, Aren, Clement Imsong, Imkumer Jamir, Lanutemsu aser Koramensang nungertem liasü aser parnoki shilem tajung agi.
Iba kenten sentong ya kentenba atema dang masü saka sentong nung bendenba sen jagi Supermarket area, Dimapur temeket nung aliba tangar memenepertem shisaliok bushitsü atema teyari agütsütsü.
Taküm The Joy of Giving educational program ajanga tanur 29 tajangzük angutsü.
Iba sentong takok ngua lidaktsüba asoshi AJ Power, Aiko Greens, Hope Centre for Excellence, Audio Garage, Shiu Lights, Metal Gear, Encore LED, Action Power Line, E.Tenthouse, The Morung Express, Lhoukesau, Rockstar EI Pvt Ltd, The Garden, Atsen Murry Photography, TBC Youth aser teyariteper ajak dang kanga pelar, ta Joy of Giving team sangdong ka nung metetdaktsü.