The Nagas with the three great nations (Kin tulu asem den Naga nungertem) ta asüba kaket tasen ka indang

— Kibangwar Jamir.

Tir Yimyim osang kaket kiburi asenok nem pei tebilemba lernsatepdaktsütsü asoshi, aser ano asenok rongnung osangtsüsang metetpelatepdaktsütsü asoshi “OLEMSABANG” tapak wazüka toktsüba ya asenok atema maongka tuluka lir. Anungji iba maongka agia nia temalen züluja aliba kaket indangji yamai metetdaktsüner. Iba kaket indang ya Tir Yimyim nung kenbo rnetetdaktsüogo (25-09-16 nung), saka ano kari ibaji rnezüngshi-i alinunga ta sür ano tanabena yamai rnetetdaktsür.
1. Iba kaket züluba nukjidong: Naga nunger lanurtemi TV, internet etc, ajanga kechisarina indang melamela dang/zübazübadang metettsü akok; saka parnoki metetba kechisarina den sendaktepbatemji tadongi/ tarensena (chronologically) rnasunungjl, parnoki metetbatem nungji tangatetba junga mali. Anungji Naga lanurtem nem Naga nunger otsü tadongi tarensena jungjunga angatetdaktsütsü asoshi iba kaket ya zülu.
2. Iba kaket tenüng indang: Oboula nungeri Naga lima mesemtetba mapang nungi tenzüker tanü tashi nung Naga limai tangar kintem arua Naga nunger den aliba kintemji asem dang (only three nations). Item kin asemprongji alimai kin tulu ta züngshibatern dang lir. Anungji iba kaket tenüng ya “The Nagas With The Three Great Nations” ta aja.
3. Iba kaket nung kechisa zülua llr: Iba kaket jeli 0 (preface) nungji Naga nunger tetsüteboutem ya kongsa koma lia senzür Naga limai aru amai nükla dangi (imagination) arur iba indangji tatsü agi zülua lir.
Okila (Introduction) nungji iba kaket ya koba nung amendaker (background) zülu iba indangji tatsü agi zülua lir.
Iba kaket ya pezüsu küma yamai lemsar zülua li :
CHAPTER 1:- The Nagas (Naga nungertem)
i- Naga nungerji shirnok dang ajar.
ii- Naga ta asuba tenüngji koda jatet.
iii- Naga limaji kobasa.
iv- Naga nunger kin kwi lir.
v- Naga nunger kidong telemsa indang.
vi- Naga nunger yim indang.
vii- Naga nunger kibong indang.
Iba chapter nungibo asen Aor sobalibaren indang zülusema lir.
CHAPTER 2:- The Nagas With The British (Naga nunger o British nunger na)
i- Naga nunger o British nunger na koda jiteptsüsa (encounter) aküm.
ii- British nungeri Naga nunger anema aruba indang.
iii- British nungeri Naga lima lemsatsüba indang.
iv- British nungeri Naga nunger koma amokpang (supressed).
v- Naga nungeri 1st World War nung shilem agiba indang.
vi- British nunger yimsüsüba ajanga Naga nunger melenshiba indang.
vii- British nunger Naga lima nung kodasa lir ao.
CHAPTER 3:- The Nagas with The Americans (Naga nunger American nungertem den)
i- Missionary Clark-i Aor kar mezüngbuba ajuruba indang.
ii- American missionary Ao limai aruba indang.
ii- American missionary ka densema Aor yim tasen ka akürnba indang.
iv- Molung yimdak American missionary kibongji komasa ali iba indang.
v- American missionary tamapurtem mapang nung asen Aortemji komasa lia angu iba indangji.
vi- American missionary-temi Naga nunger nem tashi temetet agütsüba indang.
CHAPTER 4:- The Nagas With The Indians (Naga nunger India nunger den)
i- India ta asübaji koba lima aser iba tasazük nungji koba tesemtemsa dena liasü iba indangji.
ii- Naga Hillsji Indiai British nunger nungi senmang angu,ta ashiba indang.
ii- Naga nungertemi India den putepba alitsü sayuba indang.
iv- India nungeri Naga nunger kangshiba indang.
v- India nungeri Naga lima amakba indang.
vi- India nunger o Naga nunger na tanü tashi maneni dang raratepba aliba indang.
Iba kaket nung zülua alibatem ya ni tsüraburtem nungi angazükba, ni kü nük agi angubatem, ni osang kakettem nung züngshibatem aser tangar kaket zülurtemi Naga nunger indang züluba kaket 28 tashi nungi bendena zülua lir. Iba kaket ya melamela dang angatettsüba English oshi (simple English) nung zülua lir. English mezüngtetertemia pei chirnurtem/semchirtem nem züngdaktsü nung ajungtsü ta bilemer. Iba kaket züngdangertemi koda ashitsüar ni memetet saka nibo iba kaket ya Naga nunger lanurtem asoshi nüngdakba kaket ka asütsü südi ta bilema züluogo.