‘The Princess Diaries 3’ yanglutsü: Anne Hathaway

Aenjeti/January 26 (Agencies): Actress Anne Hathaway, shibai taoba ‘Princess Diaries’ movie ana tashi nung tongti shilem agiogo lai ashiba agi, romantic comedy film, Princess Diaries franchise tasembuba yangluner aser iba project ya la den külemi Julie Andrews-ia yangludaktsütsü atema jangra aliba osang metetdakja liasü.
Tang tashi nung iba project tasenba atema maparentem inyaka arudar aser film tasembuba asoshi script kabo renemogo, ta Academy Award angula actress-i ashi.
“Movie tasembuba atema script ka zülua lir,” ta show ka nung lai ‘Serenity’ film nung külemi shilem agisang Matthew McConaughey den adenba mapang metetdakja liasü.
“Nia iba project ya yangluner, Julie-ia aginer aser iba den külemi Debra Martin-Chase (producer)-ia project tasembuba yangluner,” ta Anne-i ashi.
“Franchise tasembuba ya o agi dang masü saka mapa küma inyakner; otsü junga merenem tashi onoki film ya aritepa meyanglutsü. Nenoki iba film meimba ama onoki-a project ya meimer kechiyong movie ya asenok ajak atema tongtibang lir aser film script dak sendakba maparen matem tashi onoki film ya tangok metenzüktsü saka iba franchise atema onoki meranga inyakdar,” ta Anne-isa ashi.
2001 küm sayaba ‘The Princess Diaries’ film nung Anne Hathaway-i Mia Thermopolis shilem agiba ajaki nguogo aser iba ya la indang mezüng Hollywood film asütsü. Iba sülen 2004 küm mezüng film den tatongtep ‘Princess Diaries 2: Royal Engagement’ sayaa liasü.