‘The Revenant’ director Alejandro Inarritu-i DGA sempet tematiba angu

Los Angeles, February 7 (Agencies) : Directors Guild of America (DGA) awards nung Alejandro Inarritu-i ‘The Revenant’ film atema tematiba sempet agizükogo.
The Revenant film nung Leonardo Di Caprio-i tongti shilem agir aser iba film ya taküm Oscars nung telemsa 12 nung shimoka lir aser Alejandro-i iba sempet anguba ajanga Oscars nunga pai best director sempet angutsü akok ta imlar.
Tesüiba DGA award angurtemia best director Oscar aser best film sempettem agizükogo.
2015 nunga Inarritu-i ‘Birdman’ film atema DGA award angu aser iba sülen Oscar ana tashi agizük.
Iba sentong nung Matthew Heineman nem ‘Cartel Land’ film atema best documentary maker sempet agütsü.