‘The Revenant’ film India nunga sayatsü

Mumbai, February 22, 2016 : Leonardo DiCaprio-i tongti shilem agia aliba “The Revenant” film ya Central Board of Film Certification (CBFC) ajanga ‘A’ küli kaket agütsüogo aser otsü tatsüka danga meindoki India nunga taruba Hokokbarnü sayatsü.
“Iba film nung o tamajung aika den rara aika liaka CBFC-i itemji ka danga meindoki sayatsü temelaba agütsüba asoshi kanga pelar kechiba süra parnoki tesüiba mapangtem nungbo itemji kanga ashishia liasü,” ta film otongdar-i IANS dang ashi.
Film nung olong ana indang ola ang ‘mute’ süja lir kechiba süra item olong anaji tetsür mezüngshi-i jembiba otem lir.
“CBFC-ia ‘The Revenant’ film ya junger ta shiogo aser parnoki tanga film asünungbo item temelaba ajak magüla ta shiogo,” ta pai shisem.
Iba film ya tatalokba otsü dak ajemdaker yangluba lir. Ibai nisung ka pa taküm kümzüktsü aser manga ayangtsü merangba otsü lir.
Iba film ya Alejandro Inarritu-i direct asü aser Leornado DiCaprio den Tom Hardy, Domhnall Gleeson aser Paul Anderson nungeria shilem agia lir.