The Twin Effect-i ‘Tonight’ ken sayaogo

Dimapur, Rongchii/April 05 (TYO): Dimapur nungi pop kentener tarep The Twin Effect-i April 05, 2019 Hokolbarnü tena indang tanabuba single – ‘Tonight’ ken saya liasü. Taoba mapang tena indang mezüng single ‘Chasing Shadows’ sayar külen nungi, state telungtet aser tanga state tem nung sentong balala agiba mapang tenati shilem agia liasü.
MSJ Ao-i kenjang zülutsüba, Avizo Solo-i Mastered & produce asüba ken ya The Twin Effect-i mejem aser Jam Studio 11 nung record asü. ‘Tonight’ ken ya Duo (tenati) mejema aser atenba ken ya tanü aso pop music jangrartem atema tetemjem ken ka asütsü.
Tejangrartemi, Youtube channel @thetwineffectoffical ajanga ‘Tonight’ ken angatettsü. Ano külen thetwineffect70@gmail.com, Facebook nung The Twin Effect aser Instagram nung twineffectofficial70 ajanga tena den jembitettsü.