The Vineyard School Kohima nung DIY workshop agi

Dimapur, June 15 (TYO) : July 13-15 tashi The Vineyard School (TVS) Kohima nung ‘Do-It-Yourself’ workshop ta ser anogo asemnü agi.
Lerie, Kohima nung aliba school campus nung iba sentong agi aser class 7-10 nungi kaketshirtem asoshi creative writing, painting, photography/videography, carpentry, & stitching/tailoring nungertem liasü.
Sentong nung shisalen sayurtemji, creative writing atema Naga kaketzülur aser sangro mejemer Easterine Kire, painting atema artist mongin Vikhor, carpentry atema Victor Pucho, photography & videography atema award winning filmmaker Sesino Yhoshü Dimasha aser Take One production house nungi Megotsolie na, stitching & tailoring atema fashion designer tem- Eseno Panmei aser Asibu Peseyie nungertem liasü.
Iba sentong nung kaketshir 100 den tema aden aser tangazükba jenti angu. School ketdangsertemi shisalen sayurtem dang pelaba metetdaktsü.