‘The Voice’ season 10 nung Miley Cyrus tongti Adviser asütsü

February 05, 2016: February 29, 2016 nungi tenzüktsü aliba NBC ‘The Voice’ season 10buba nung Miley Cyrus-i team pezüprongla nem advise agütsütsü, ta osang jangjaogo.

Arishi küm 23 kentener Cyrus tawa Flaming Lips den ‘Dead Petz’ tour tembanga liasü, aser The Voice audition section atemba sülen kentener team pezüprongla atema la adviser asütsü.

“Kodang Miley-i jembidir ajaki kümküma atar. La indang instincts aser shisatsü nungi tajangzük angutsü, anungji asen artist tem kanga tia taka,” ta NBC executive Paul Telegdy-i sangdong ka ajanga ashi.

Iba show nung tetendangertem- Adam Levine, Blake Shelton aser Pharrell Williams nungeria maneni shilem agitsü. Iba den külemi tawa Christina Aguilera-i lai Gwen Stefani melentsü ta metetdaktsüogo, iba tetezü lai tang agi tanaben coach asütsü.

The Voice nung shilem agitsü osang mesangdongi alidang Bodhbar aonung Miley Cyrus-i la ‘red buttons’ anasa tangokba noksa ka lemsatepa liasü.