‘The Voice’ Season 12 nung Gwen Stefani-i shilem agitsü

Los Angeles, October 19 (Agencies) : Kentener Gwen Stefani-i 12 buba “The Voice” sentong nung coach ama maneni shilem agitsü.
NBC-i “The Voice” kenten tetoktepba season 12 aser 13 buba atema sentong atongogo aser iba nung Gwen-i shilem agitsü osang metetdaktsü.
Tang ya “The Voice” season 11 buba tagidak lir aser iba nung Adam Levine, Blake Shelton, Alicia Keys aser Miley Cyrus, nunger den sentong lennir Carson Daly-i shilem agidar.
Season 12 nunga Miley Cyrus-i shilem agitsü aser la den Stefani, Levine, Shelton aser Keys nunger asütsü. February 2017 nungi tenzüktsü aliba season nung Daly-i maneni host asütsü, ta variety.com ajanga metetdaktsü.
Ano, Season 13 nunga Cyrus-i coach inyaktsü ta osang jangjaogo saka tanüngba coach tem indang osangbo memetetdaktsüi lir, ta parnokisa ashi.
“Season 12 nung Gwen, Alicia, Blake aser Adam nunger külemi shilem agiba reprangdangnür. ” ta Alternative and Reality Group, NBC Entertainment, President Paul Telegdy-i ashi.
Tesüiba kümtem nung Christina Aguilera, CeeLo Green, Shakira, Pharrell Williams aser Usher nungeria “The Voice” nung coach ama shilem agiogo.