‘The X Factor’ Auditions nung Mel B-i Nicole melener

June 17, 2016: Taoba mapang kentener telok ‘Spice Girl’ züngsem Mel B-i ‘The X Factor’ auditions nung Nicole Scherzinger melen tetendanger asütsü.

Taoba mapang Pussycat Dolls nungi kentener Nicole Scherzinger tanga mapatem nung mazüngi aliba ajanga tan audition atema lai nübo magütsüteter.

Taoba ita iba show atema tezüngzüktep magidang la tanga sentong aika jelia atonger liasü, anungji Hokolbarnü (June 17) auditions agidang la London nung malitsü ta lai tamalen metetdakja liasü.

Ajisüaka 2014 küm series nung tetendanger inyakla, Mel B la melen tendanger asütsü.

Osang ka ajanga, “Mel-i tejaoker tetenanger shilem agitsü, kechiyong film tangokba mezüng anogo nung Nicole malitsü,” ta metetdaktsü.

Tanur asem tetsü, arishi küm 41 Mel B-i küm ana tejeklen iba show nung tetendanger shilem agia liasü.