‘Thermal-imaging camera’ amshia smartphone PIN metettsü

New York, March 10 (Agencies): Smartphone screen nung Pin ajenoker aser ‘pattern’ balala yangluba sülen temeyong nungi tatsük adokba ajanga screen lema doktsüba ajanga nü indang miim code aser pattern tangari metettsü, ta bushisüngdangertemi ashi.
Iba code auyatsü asoshi tenüngdakba ajak agi ‘thermal-imaging camera’ ka dang lir. Thermal noksa ajanga nai screen koba tesem nung ajen, ibaji second 30 sülena sayur, ta osang ka ajanga mtetetdaktsü.
May ita US nung ‘human-computer interaction’ senden ka akatsü, aser iba sentong nung University of Stuttgart aser Germany, Munich, Ludwig Maximilian University nungi bushisüngdangertemi, koda phone screen nung nisungtemi PIN mesüra patterns ajener temeyong nungi talem adokba doktsüba ajanga PIN aser pattern tem metetsü akoker, iba dak sendakba nung bushitetba tasen ka sayatsü.
“Thermal camera melala mela alitettsüsa ajaklen anguba ajanga mobile amshirtem PIN aser pattern tem asoshi tebilemtsüka kümogo,” ta bushisüngdangertemi ashi.
‘Thermal’ noksa ya Pin ajener second 15 tsüngta nung agira 100 nung 90 shilembo shidak adoktsü. Secong 30 or lira shilem 80 shi shidak asütsü, saka 45 secon sülenbo noklang nung 35 aser iba dang nungi tajemba kümadoker, ta osang ajanga metetdaktsü