Theron-i ‘The Fast and the Furious 8’ nung shilem agitsü akok

Los Angeles, February 11 (Agencies): Taoba mapang Oscar sempet agizüker, Hollywood actress Charlize Theron-i tarutsü anogotem yanglutsü renemba ‘The Fast and the Furious 8’ film nung shilem agitsü asoshi producer-tem den jembiba osang ka angazükogo.

Tesüsaba nungtu ‘Fast and Furious’ film nung Theron-i ozüng alema inyaker ka ama shilem agitsü asoshi Universal Pictures telok den jembiba osang ka variety.com-i metetdaktsüogo.

Kasa film nung Vin Diesel, Dwayne Johnson, Tyrese Gibson aser Jason Statham nungeri maneni tongti shilem agitsü renemba osanga angazükogo.

Iba film ya ‘Straight Outta Compton’ film direct asüsang, F. Gary Gray-i direct süa yangluba sülen sangküm, 2017 küm April ita sayatsü sentong renema lir.

Theron-i tang spy thriller film, ‘The Coldest City’ nung shilem tagidak lir.