Theyo asüba atema TR Zeliang-i mangyimer

Kohima, August 30 (TYO): Netsutso Theyo mapang tatsüka shirangba sülen Oking Hospital Kohima nung asüba atema jashia mangyimer; 1937 küm asor, Theyo ya ajungmesor ka liasü aser loktiliba lenir ka liasü, ta TR Zeliang-i metetdaktsü.
“Mezüngbuba NLA nung Chozuba-II A/C nungi MLA ka ama pa lanur asüdangyongi Minister inyak. Pai küm aika menden balala nung state aser nüburtem kanga nendaka tenzüka aruogo. Yimtenren nung dang masü saka lokti balala nung tenzüktsü atema-a pai maongka angu,” ta paisa ashi.
“Pa anojungi asüba ya Naga nunger, talisa Chakhesang nunger atema takoksa tulu. Iba ama mangyimba anogo nung ni aser ozüng kibongi mangyim lemsateper aser Tsüngrem dang mangyimer kibong züngsemtem nem tesünep agüjang ta sarasademtsür. Asür tanela tesünep nung anisüngzüktsü sarasademtsür,” ta TR Zeliang-isa lemsatep.