Third Front-i takok ngura Bihar CM ji Muslim nunger asütsü: Pappu

Patna, September 21 (Agencies): Taruba Assembly election nung Third Front-i takok ngura Bihar chief minister ji Muslim nunger asütsü, ta Hombar nü taoba mapang RJD lenir Pappu Yadav-i ashi.
Rashtriya Janata Dal nungi atsüngtoksang aser tang Janadhikar Party tongti lenir Yadav-isa, taruba sorkarji Third Front-i kümra Bihar deputy chief minister ji Other Backward Classes (OBC) nungi asütsü, ta ashi.
“Third Front-i two-third majority ajanga takok ngua sorkar kümra Muslim nunger ka Bihar chief minister akümtsü,” ta Pappu Yadav-i pa Lok Sabha constituency Madhepura nung osangbenertem dang ashi.
Bihar nütsüng crore 10.5 lir aser shilem 16.5 bo Muslim nunger lir.
Tawa party trok-i Third Front küma liasü, aser item party rongnung– Samajwadi Party, Nationalist Congress Party, Janadhikar Party, Samras Samaj Party, Nationalist Peoples Party aser Samajwadi Janata Party lir.
Pappu Yadav-isa, Bihar nüburtem BJP-i aniba NDA aser Janata Dal-United-Rashtriya Janata Dal-Congress teloktep dang kanga jashir aser mepelar, ta ashi.
“Nüburtemi NDA aser secular teloktep naprongla sentoktsü melungtetogo,” ta paisa ashi.
Taruba Bihar election October 12 nungi tenzüka telemsa pongu nung agitsü, aser November 8 nü vote azüngtsü.

You must be logged in to post a comment Login