Thomas-i T20 asaya otsü tasen yanglur

Port of Spain, April 29 (Agencies): Trinidad & Tobago nunger arishi küm 23 tain Iraq Thomas-i tang par linük tasayadak Twenty20 (T20) asayamong nung ball 21 nung century yanglua alima ajunga nung tekaratiba mapang nung  T20 century yanglur asayar küma otsü tasen tanü, Hokolbar nü yangluogo.
Tobago Cricket Association (TCA)-i ayongba asayamong nung  Scarborough/Mason Hall United telok tenüng nung asayasang, Thomas-i sixes 15 aser fours 5 yangluba densema, tan century yangluba sülen Jamaica nunger Chris Gayle-i ball 30 nung T20 runs 100 yangluba otsü ajangteter lir.
Tanü asaya nung Thomas-i otsü tasen yangluba den külemi, balls 31 nung ajak agi runs 131 tashi yanglua kanga junga asayaba yong par teloki Speyside telok madak takok ngua liasü.