Thongwang-i ketdangsüa Mon-Totok Chingnyu lenmang yanglu

 Mon nung lenmang yanglushidang N. Thongwang Konyak aser tangartem tanglokba noksa angur 

Dimapur, April 08 (TYO): April 07, 2017 nü Advisor, DUDA LM&CP & NIDC, N. Thongwang Konyak-i ketdangsüa Mon jila nungi Totok Chingnyu tashi (kilometer 25 shi) gari lenmang yanglushia liasü.
Tesasaba olen ka nung Thongwang Konyak-i, National Highway-702 (Changtongya-Longleng-Mon-Tizit) gari lenmang ya 2014 küm March ita 4 nü agizüka liasü, aser kidanger district tem- Mokokchung, Tuensang aser Longleng den district (Mon) sendaktepba lenmangji iba lenmang kija ya dang lir, saka Border Road Organization (BRO)-i aoba sülen iba lenmang ya jenjang mejungi kümogo, ta metetdaktsü.
Paisa, Tizit nungi Mon (kilometer 30) lenmang yanglutsü atema Nagaland sorkari ‘tender’ agutsüogo, ta metetdaktsü.
Pai ashiba agi, Mon Town nungi Totok Chingnyu tashi yangluba ya constituency nungi representative ajanga lir, iba amaji iba nungi teindokba senji pai aotsü.
NPF party nung inyakertem, Mon jila nung lokti tentet lenirtem aser Chi, Goching aser Totok Chingnyu yimtaklirtemi iba lenmang yanglushi.