Thoubal nung tasümang ka angu, NH mokdang

Imphal, June 20 (Agencies): Deobar anepdang tetsür tasümang ka anguba sülen Manipur, Thoubal district kübok Khangabok tesem nung tensa mejungi aküm.
Iba tatalokba aija Kangabok aser anasa aliba yimtsüngtem nungi nüburtemi National Highway-39 Imphal-Moreh section nokdanga liasü.
June 11 nü arishi küm 21 tain, Elangbam Kanon-i lar ki toktsür ao aser kidangi meshilangba sülen June 13 nü lar kinüngertemi la samaba osang agütsü.
Deobar anepdang 9:00 ako nung yimtaklirtemi la tasümangji kanga mejungi shizüker ayong ka anasa angu. La tekong nung sü ka liasü, ibaji amshia la alenseta südaktsü südi, ta osang ka ajanga ashi.
Tasümang anguba sülen Khangabok nung alirtemi Joint Action Committee (JAC) ka tenteta lokti senden ka ayongzük. Iba senden nung, sorkari aibelenertemji anogo asem tsüngda mepura parnoki longkak aittsü lemteta liasü, iba den külemi parnoki akhangbatem mataloktsü tashi tasümangji mortuary nungi magizüktsü lemtetogo.