Throttle Thrust 2015 sentong takok ngua kaogo

Mokokchung kübok Imkongmeren Sports Complex nung anogo 2 asoshi ayongba Throttle Thrust 2015 sentong nung shilem agirtem indang arok noksa ka yangi angur. (Mokokchung, September 12)

Mokokchung, September 12 (TYO): Mokokchung küm 125 ajungba nüngtem nung ayongba Throttle Trust 2015 tetoktepba aser Auto Expo sentong Imkongmeren Sports Complex, Mokokchung nung takok ngua tembangogo.
Tetoktepba ajunga nung mezüngbuba, tanabuba aser tasembuba jenjang angur shia nem senpet sen agüja liasü.
Sports Utility Vehicle (SUV) shilem nung Ramalesh Das-i 1 buba jenjang angu aser pa nem senpet sen 25,000 agütsü.
Kasa shilem nung Anguzo Sekhose-i 2 buba aser Sandeep Sharma-i 3 buba jenjang ngua tena nema senpet sen 20,000 aser 15,000 agütsü.
1000 cc ser tema shilem nung Sandeep Sharma, Atikor Rahman aser K. Pero nungeri 1 buba, 2 buba aser 3 buba jenjang ngua parnok nema senpet sen 20,000, 15,000 aser 10,000 agütsü.
1000 cc ser tekübok shilem nung mezüngbuba jenjang angur 3 – Kenicolie Solo, Dame Dkher aser Unoke Assumi nunger nem senpet sen 15,000, 10,000 aser 5000 agütsü.
Jeepcross shilem nung mezüngbuba jenjang angur 3 – Lima Kichu, Wai Imsong aser Maonger nunger nem senpet sen 5000, 3000 aser 2000 aser Motorcross (Expert) shilem nung mezüngbuba jenjang angur 3- Paominthang, Baljit Singh aser Rehan Khan nungeria senpet sen 20,000, 15,000 aser 10,000 agizük.
Motocross (Novice) shilem nung Daniel Metha, Mesa aser Ano Soho nungeri 1 buba, 2 buba aser 3 buba jenjang ngua parnoki senpet sen 15,000, 10,000 aser 5,000 agizüka liasü.
Tan takok angur shia nem senpet sen den külemi, takok marok, kulikaket aser gift hampers-a agütsüogo.
Iba sentong nung Nagaland nungi dang masü saka Delhi, Assam aser Meghalaya state nungi arua asayartemi shilem agiba ajanga iba sentong tali meraketdaktsü aser Mokokchung nüburtema kanga pelatepogo.
Spearhead Motorsport Initiative (SMI) teloki ayongba Auto Expo sentong nung Polaries, Nili Nissan, Ayida Honda, Okusa Toyota aser Lozi Hyundai nunger densema gari yanglur telok 5 tashi shilem agia par gari tasen sayua kasaji tendanga anishitsü maongka agütsüba ajanga Mokokchung jila nung otsü tasen ka yanglua liasü.