Throttle Thrust III tanü tenzükogo

Mokokchung, Luroi/August 2 (TYO): Throttle Thrust III tanü tenzükogo aser Hillclimb category nung Alichen aser Longkhum na tsüngda garitem arishitepba ajangshiogo.
Hillclimb category ya 2nd BN. NAP, Alichen Commandant H. Khuhovi Sema-i flagged off sütsü.
Throttle Thrust III tenzükba sentong akadang Team Spearhead tir-i iba asaya nung shilem agir aser tejaokertem pela shishia agizük aser Longkhum Village Council, tatar Alemwati-i Tsüngremung salem osang tatsüka lemsatep.
Hillclimb category nung Nagaland, Assam, Meghalaya aser Delhi nungi parnok 50-i shilem agiogo aser parnok ano asüng Autocross Category nung shilem agitsü, koba Longkhum Village ground nung akatsü asoshi renema lir.