‘Thulastyle Studio’, Dimapur nung fashion tasentiba angutsü

Dimapur, October 05 (TYO): Bendanglen nungi süoshi tasentibatem bener arutsü nükjidong yur tanü Bodhbarnü Church Road, Dimapur nung St Mary’s Montessori Higher Secondary School anasa dokan tasen “Thulastyle Studio’ lapokogo.
Iba fashion studio ya Temjensangla SDO (C), Dimapur-i semzükja liasü.
Iba dokan nung talisa tetsürtem aser tanur indang fashion tasentiba süoshi aika angutsü; süoshitemji India adener talisa Bangkok nungi mangabatem lir.
Iba dokan nung tanur-tain ajak atema tekolak nungi temupu tashi nai nüngdakba aben-süoshitem angutsü, ta dokan kibur, Asen Walling-i metetdaktsü.
Süoshitemji jenjang dalang agi angutsü. Dokan nung Bridal wears & dresses, assorted footwear, skirts & frocks den tanurtem süoshi aika angutsü.
Dokan kiburisa parnoki website ka, www.thulastylestudio.com tenzüktsü, koba ajanga customer temi pei kidang nungi shishilembatettsü, ta metetdaktsü.