Thuneotula-i Miss Yimchungru 2019 takok angu

Dimapur Town Hall  nung October 08, 2019 Mongolbarnü Miss Yimchungru 2019 sentong nung takok angula Thuneotula (tiyong) den 1st runners up Nongrila aser 2nd runners up Rejoila na külemi tangokba noksa ka yangi angur. 

Dimapur, Mongputeni/October 09, 2019 (TYO): “Be Bold, Be Beautiful, Be Inspired” omen kübok Emporium Training & Consultancy Pvt.Ltd den longjemer Yimchungrü Akheru Arihako-i October 8, 2019 Mongolbarnü Town Hall Dimapur nung 3buba Miss Yimchungrü 2019 sentong ayongzüka liasü, ta osang ajanga metetdaktsü.
Iba teteoktepba sentong nung contest 14 agi shilem agi, kong Thuneotula-i Miss Yimchungrü 2019 takok korang nguogo. Kasa sentong nungsa Nongrila Yimchunger-i 1st runner up aser Rejoila-i 2nd runners up jenjang nung takok ngua liasü.
Miss Yimchungru 2019 sentong nung alaktetta tesemdangerji Advisor IPR, SCERT & VG, Government of Nagaland, Toshi Wungtung liasü aser sentong nung jembiba mapang pai; “tepor ajungba den külemi asen yimya aser jaklatem ajungtsüla,” ta ashi.
“Tepor ajungtsü asoshi, tasü aitsüla aser pei sasa ajungshiba den külemi tatishitsü aketba taküm kaka asütsüla,” ta Toshi-i ashi.
Maneni, sentong nung tetendangertemji Temjenkala Aier, Center Director, Emporium Training Institute Dimapur, Diochongia Buchem aser Alen Phom nungeri liasü.
Contestant temi shilem agiba dak alak, sentong nung Illusion Crew, Chimrila, Akamkhiung, Niutoba Yim, Nchumbeni Tsula, Akhumba Kings of Naga, Kirito aser Boys in Hood nungeri shilem agia liasü, ta kasa sangdong ajanga metetdaktsüogo.