Tibetan Migrants atema sangdong

Kohima, Tsüklai 09 (TYO): Ministry of Home Affairs/Foreigners Division, Tibetan migrants (Refugee) tetuyuba nung ajemdaker Kohima district kübok alirtemi Metsüremi (March) 31, 2018 anogo matongdangsa pei Residential Certificate/Registration ji FRO Kohima (SP Office) den online registration agitsüla, ta Rogonü (Hokolbar) Addl. Superintendent of Police & PRO Kohima, Nagaland, Watichuchang Jamir-i sangdong ka ajanga metetdaktsü.
Online Registration/Residential Certificate atema application ji https://indianfrro.gov.in ajanga agutsütettsü, iba dak alia online registration dak sendakba nung metetjemnüba lira office mapang nung FRO Office (SP Office), Kohima den tongteprateptsü metetdaktsür, ta kasa sangdong ajanga metetdaktsü.