TIFF nung India film kati tanabuba jenjang ngutetogo

Toronto, September 21, 2015: India film director Pan Nalin-i yangluba “Angry Indian Goddesses” film ajanga Toronto International Film Festival (TIFF), Grolsch People’s Choice Award nung tanabuba jenjang nung takok nguogo.
Iba film nung tetsürtemi dang tongti shilem agia lir, shilem agirtemji Sandhya Mridul, Tannishtha Chatterjee, Sarah-Jane Dias, Anushka Manchanda, Amrit Maghera, Rajshri Deshpande aser Pavleen Gujral nunger lir.
“@AIGtheFilm, GROLSCH PEOPLE’S CHOICE AWARD at #TIFF 2015 nung tang tanabuba jenjang nung takok nguogo,” ta Sandhya Mridul-i Deobar nü twitter ajanga lemsatepa liasü.
Grolsch People’s Choice Award tenzüker küm 38 ajungba tenüng nung telok nungi pei sapuba film asoshi vote asüba dak ajemdaker award asoshi shimtsü maongka agüja liasü. Iba sentong nung temaba award ji “Room” film yanglusang Lenny Abrahamson-i angu aser tasembuba jenjangji Tom McCarthy-i yangluba “Spotlight” film ajanga angu, ta benjungmung sangdong ka ajanga metetdaktsü.