Tiger Shroff dak teimla tulu lir: Hrithik Roshan

Mumbai, March 23, 2016 : Tang “Mohenjo Daro” film tangoktsü renemshia alisang, actor Hrithik Roshan-i, tang  “Baaghi” film sayatsü ata alisang, actor Tiger Shroff dak teimla tulu lir, ta ashi.
Hrithik-i tesüsa shilem agiba film ji  “Bang Bang!” lir aser pa dang twitter nung pa sapur kati Sabbir Khan-i director asüba “Baaghi” film atema pela bilemtsü asü mebilemtsür ta asüngdangdang, “Dhoom 2” film nung tongti shilem agisang, Hrithik-i, “Kanga pela bilemtsür! Tiger Shroff dak nükla tulu ayur,” ta langzü.
“Baaghi” film nung ya actress Shraddha Kapoor-ia shilem agia lir.