‘TikTok’ den tokteptsü atema facebook-i Music App ka yangludar

Mongputeni/October 26 (Agencies): Social media app TikTok (China oshi nung Douyin ta ajar) den tokteptsü atema Facebook ‘music app’ ka sayatsü imlar.
Facebook-i iba project nüngja “Lasso” ta jatettsüogo. Iba app ya Musical.ly den ‘standalone competitor’ ka akümtsü atema design sütsütsü.
Ita shia user million 60 tashi agi amshiba product ‘Musical.ly’, China indang technology yangluba tetsüti, ByteDance-i billion dollar 1 yong malizükdang aser company indang TikTok app den külemi meyanglu tsüngda, iba app ya aiur aser asangur den talisa tanurtemi kanga sapua amshiogo.
TechCrunch osang ka ajanga angazükba agi, Lasso app ya TikTok/Musical.ly ama asütsü.
Lasso ya full screen, lanurtem atema yanglutsüba, fun & funny, aser creation nung rangloker yangluba app ka asütsü.