Tilateri nunga temulung agüjang

” Lanlia, tajung aser temulung lemtetba kilir; oset ishika madak ne dak temulung lemteta liasü, ni na oset aika madak yutsüdi. ” (Mat. 25 :21)

Tsüngremi asenok koda mapa tulu nung tenzükba repranger, yamaji mapa tila koba asenoki anogoshi ajangshir item nunga kasa Kibubai asenok temulung lemtetba repranger. Aika asoshi mapa tulu nungdang, mesüra tongtipang mapa nungdang temulung agütsür, saka tilateri mesüra mejimenu maparenbo senzüka yutsür, Mathi kaket nung Yisui O entepba ka nung kong Kiburi kilirtem nem pa sen bendanga agütsür aini ao. Iba kibur shilang dang anati junga ketdang asüba ngua ana aika madak ketdang asütsü nungloktsü.

Yamaji Kibubai asenok ajak anogoshia teinyaktsü mapa nunglokja lir. Ki mapa nung yaritepba, temeim sayuba, chinur junga anepaluba, tekülem agiba, chitiyongdi masüba, pei temang den apet chiyongtsü timi achiba, ter shilem, apuani tenzüktepba, lenji otepba, aremzükba, libaliro nung asüngteta aliba, ochi jembiba, etc. Item ajakji Kiburi ishika madak ketdangsutsü agütsüba ama, asenok nema anogoshia item tilateri nung temulung lemtetba aginer. Item nungji junga inyakra tarutsü temoatsütem asoshi tamendakdak azüngshiba asütsü. Anungji nai itemji tesendok, saka nendaka inyakang.
Sarasadem : Temeim Yisu, Ni tanü iba lesson tulu angazükogo, ni mapa tulu nung temulung agütsü dang, tila nung sendoka lira tatok agüjang. Tanü nungi tilatiba nung ni nendaka inyakdi. Amen.