Tim lenmang nungi anguba sen atema shisa mubulutsüla: Jaitley

New Delhi, November 09 (Agencies): Tanü Bodhbarnü Union Finance Minister, Arun Jaitley-i, India nunger rongsenkettsüng ya tekaratiba nung ‘cashless’ akumtsü nüngdak, ta ashiba den külemi tim lenmang balala nungi anguba sen atema nisungtemi shisabulu masütsüla, ta metetdaktsü.
Jaitley-isa, tang sorkari Rs 500 aser Rs 1,000 note anentsüba ajanga ochimashiba sen bendenertem shisabuludar, ta ashi.
Tang agiba telemtetba ya ochimashi rongsen jenti bendenertem anema agiba mera lir, ta Union minister-isa ashi.
Jaitley-i, kidang sen bendena alirtemi shisa mebulutsüla, saka ibaji anasatiba bank aser post office tem nung melentsüla, ta metetdaktsü.
Pai ashiba agi, tang aliba sen note anentsüba ajanga ochishirtem ajangzüker. Iba telemtetba agiba ajanga karibo timtem ajurutsü, saka mapang talangka nungbo ibaji ajanga jenjang tajung alangzüktsü.