Time indang ‘100 Most Influential’ tarensen nung Priyanka densemogo

April 24, 2016: Actress aser kentener, Priyanka Chopra-i mapang ajak nung lenmang ka mesüra ka ajangabosa nüburtem ajungmesor, aser tawa Time-i alima nung nisungtem ajungmesor nüngtugu nisung 100 shimba tasensen nung la densemogo.
Taoba mapang Miss World Prayanka ya alima nung nüngtugu nisungtem rongnung densemogo.
Tawa video ka nung ‘Quantico’ star Priyanka-i la taküm nung ajangshiba tetsükdaktsütem aser nükjidongtem lemsatepa liasü.
Bollywood nung mezüng shilem agiba küm ishika tsüngda dak sentakba nung Chopra-i, Madhur Bhandarkar’er ‘Fashion’ film ji la taküm nung temelenshi tenzükba ka liasü. Iba film sülen lai shilem tuluba nung ranglok tenzük, ta ashi.
“Tetsürtemji melenteter ta producer temi jembiba o ni angashiogo. Tangbo ni shilem tasak shimmer. Tangbo ni memelentettsü,” ta laisa ashi.
Priyanka Chopra ya India nunger jenti atema ajungmesor ka lir aser mapang ajak nung la ya lanurtem ajungmsor ka lir.