TIME magazine-i ’30 Most Influential Teens of 2016′ shim

New York, October 22 (Agencies) : TIME magazine-i 2016 küm ’30 Most Influential Teens’ shimtetba nung actor Jaden Smith, Kylie Jenner aser Zara Larsson nunger temaba jenjang nung lir.
‘Keeping Up With The Kardashians’ star Kylie-i la temang yanglushiba, tebang mechi ulushiba, kou nung sentsü enokba aser tejaksa makeup enokbatem ajanga TIME magazine indang annual list nung taküma la shim.
Hollywood nung nüngtugu actor Will Smith’er jabaso Jaden-i tanü-asüng sobaliba anema noktakba atema TIME Magazine-i pa shim, ta Female First ajanga metetdaktsü.
‘Lush Life’ kentener Zara-i tang mezüng atema ’30 Most Influential Teens’ nung züngokogo. Pop music nung jenjang tajungba küma aotsü ta reprangteta Zara shim aser ano Shawn Mendes-ia alima nung ‘singles charts’ takok aika anguba atema TIME-i shimtet.
Tenüng tarensen nungsa Fifth Harmony nungi Camila Cabello dena lir. Kentenba aser lai activism nung tongti shilem agiba atema TIME Magazine-i la shim. Tawa tu lai la 2000s mapang bendanger ka ama United States-i aruba indang essay ka zülua liasü.
Ano, taküm tarensen nung actress Chloe Grace Moretz dena lir. Kim Kardashian West-i mapang shia mangsa noksatem sayuba atema Chloe-i la aija liasü aser iba atema TIME Magazine-i la shim.