Times Celebex temaba jenjang nung Salman, Alia Bhatt na lir

New Delhi, July 29 (Agencies): 2012 küm September ita nung tenzükba, Times Celebex-i ita shia actor/actress tem indang Box-Office performance, osangkakettem, TV aser online nung adokba, parnoki brand advertise asübatem aser internet aser social media nung parnok sapurtem nung ajemdaker ‘T-Score’ tarensen yanglur, aser tan June ita iba tarensen mezüngbuba jenjang nung Salman Khan o Alia Bhatt na lir.
Times Celebex ya scientific aser robust ranking system ka lir, aser parnoki publications 60 dak tema aser TV Channels 250 dak tema osangtem nung ajemdaker data bendenba sülen iba tarensen ya ita shia yanglur.
Taküm June ita nung Salman Khan-i pai tongti shilem agiba film ‘Sultan’ ajungkettsüba, Kabir Khan indang taruba film ‘Tubelight’ atema tezüngzüktep agiba aser brand ana endorse asüba ajanga pai iba jenjang angu.
Hrithik Roshan-a jenjang 10 buba nung liasü saka June 2016 nungbo pa indang film ‘Mohenjo Daro’ indang bulua jembiba ajanga jenjang 4buba angu.
Iba den kasa Shahid Kapoor-a 12 buba nung aliba nung liasü ajisüaka ‘Utda Punjab’ film ajanga jenjang jenjang 6buba nguotetogo.
Actress rongnung temaba jenjang nung Alia Bhatt lir, lai iba jenjang ya ‘Udta Punjab’,  film nung shilem agiba, taruba film ‘Dear Zindagi’ aser brand asem endorsement ajanga ngutetogo.
Anushka Sharma jenjang 9 buba nung liasü ajisüaka lai Salman Khan den külemi shilem agiba film ‘Sultan’ ajanga June ita nungbo lai 2buba jenjang ngutetogo.
Iba den kasa Deepika Padukone-a jenjang 10buba nung liasü, ajisüaka Hollywood film ‘XXX: Return of Xander Cage’ nung shielm agiba ajanga lai 4buba jenjang nguogo.
Actor tem iba tarensen temaba jenjang nung Salman Khan sülen tanabuba, tasembuba, pezübuba aser pongububa jenjang nung Akshay Kumar, Shah Rukh Khan, Hritik Roshan aser Aamir Khan nunger lir.
Actress tem temaba jenjang nung Alia Bhatt sülen tanabuba, tasembuba, pezübuba aser pongububa jenjang nung Anushka Sharma, Kangana Ranaut, Deepika Padukone aser Priyanka Chopra nugner lir.