Timtem nungi kümzüksang kibuba mamatsüla

Aser timtemba anogo nung kü dang jaang; Ni na kümzüktsü aser nai Ni sentsüwangshitsütsü.
O kü nela, na kechiba temulung makar? Aser na kechiba tipmatemer? Nai Tsüngrem dak yimlaang; kechiaser ni pa tanaben asangtsü, kü teyari, kü Tsüngrem. Kibuba Nai ajemaluri aginüba angashitsü, kechiaser, Kibuba Na tajung aser tai atoktsü renema lir aser Ne dang ajar ajak dang temeim taochi nung talubosa agütsür.
Aser Yakobi pei kinunger aser pa den alir ajak dang ashi, Nenok rongnung aliba bendanger tsüngrem indokang aser nenok sasa meshitettang, aser nenok süoshi melenang; aser asenok aramesoa Betheli tudi; aser angji Tsüngrem atema ni tenladak ka yangludi; shibai ni timtemba anogo nung kü dang langzü, aser ni aoba lemang nung kü den liasü. O kü nela Kibuba moajang aser Pa teyaritem tamadok.
Ni Kibuba meimer, kechiaser Pai kü ola aser kü temepishiba angashia lir. Kechiaser Pai kü dang tenarong shitsür. Aji asünung kopika ni taküm lidir papikaji ni Pa ajatsü.
Tasüba lisü agi ni mesangpangogo aser Sheol tekangshi agi ni tongogo. Ni timtem aser tejashi nguogo.
T. Ken 50:15; 42:11; 10:17; 86:5; Lipok 35:2,3; T. Ken 103:2; 116: 1-4
Kibuba, kü Kibur, Nai kü timtem tejashi ajak nung yariba aser dena aliba asoshi kü mulung ajak agi Ne tenüng asanger. Amen.